التجارة تستدعي كامري2012-2014بسبب ضعف العزم

تويوتا اصبحت تهتم للربح 
اكثر من الإهتمام بالجودة
كما كان سابقاً

يا زين 98 - 2002  اكثرها تطلع من الوكاله للكرف علطول

ملاحظ شعار تويوتا على السيارات لما كانت صغيرة كانت الجوده كبيره والحين شعار تويوتا على السيارات كبر والجوده قلت للاسف

كلمة الحق تنقال ، 
تويوتا ، فعلا تهتم للربح 
صراحة داخلياتها فاضية تحس مافيها شي ، والبودي حدث ولا حرج 
سيارة وكالة تمشي فيها الف كيلو صداماتها ترفرف !!!! ( معروفة السيارة بدون ذكر اي نوع ) 
ويوم ننصح العالم يحسبون نكره لهم هالسيارات
وما ألوم هالشركة يوم تدور تعظيم أرباحها ، لانها حصلت مستهلكين يمشون ورا الشعار فقطططططططططط 

راحت عليك 
المشكله ورافعين اسعارها تجار الحديد 
قاطعوهم وخلوها تصدي باحواشها
والله لو كلوحد يشوف كيف تكون سياراته قبل لايشتريها وهي بالشمس والله لايخطو خطوه واحده علىالشراء

تويوتا من بعد ما شرت ديهاتسو وهي من جرف لدحديرا وصارت تصنع سيارات ديهاتسو تحت ماركة تويوتا وراحت الجوده اللي كانت تتميز بها تويوتا زمان 

بقي عندها الجيوب تحفظ بها ماء وجهها قليلا رغم تفوق المنافسيين عليها 


الزبده 

تويوتا مصيرها مصير نوكيا وسوني واغلب الشركات العريقه اللي راحت شمنقا حبش

سوءالي هل تعتقدون ان ابوجميل راح يصلحهن ببلاش راح يشفط من الشعب اكيد

لا هاذي حمله مجانيه من فوق خشمه ..ماتشوفه كاتب اعادة برمجه محول العزم...لكن تبي العلم 
السياره تدخل وتطلع زي ماهي الفرق انها انغسلت عارف لييييه ؟ 
لان محول العزم مايتبرمج ..الي يسموه البطيخه او الطنجره 

السلام عليكم ورحمة الله وبركاته 
قال صلى الله عليه وسلم : ( قطع الاعناق ولا قطع الارزاق ) .
أولا :
من ناحيته سبكم لتويوتا اتقوا الله الواحد اذا سمع احد يسب شيء سوى زي العالم وقام يسب وهو ما يدري وش الطبخه
تويوتا مو دفاع عنها لكن انا جربتها ,, جربت الكامري 2006 وجلست معي 4 سنوات الورش ما اعرفها وكارفها كرف 
وذلحين معي وحده 2014 لها سنه كارفها ما قالت اح .. تويوتا سيارات ما فيها فخامة لكن تكرف معك .. ونصيحه الواحد
لا يسب شيء وهو ما يدري عنه .. ممكن من ناحية السعر مبالغ فيه لكن هذا راجع للوكيل نفسه .. 
ثانيا :
شفت عالم تقول الشعب غبي .. الشعب طايح في تويوتا .. للمعلومية الي جرب تويوتا جديد او قديم ما راح يتركها 
تويوتا لو مو شركة ناجحه كما يصفها البعض ما شفتها الي يومك هذا وبهذي المبيعات الضخمة 

اذا من مصدق انزل الشارع وشوف اكثر السيارات وشهي وقارن بنفسك :
الكامري اكثر عدد من السوناتا
الافالون اكثر عدد من الازيرا 
النترا اكثر عدد من الكامري 
الاكسنت اكثر عدد من اليارس